ALBERT NESTLER nº 12b kalkulu erregela
Deskribapena
Zur laminatuzko kalkulu erregela, zenbakizko sei eskala inprimatuta dituena. Eragiketa aritmetiko konplexuak egiten ditu, biderketak, zatiketak, eragiketa trigonometrikoak eta abar. Hiru pieza ditu: batetik, gorputza, erregela deritzona, eta beheragune bat du erdian; bestetik, erregela mugikor bat, erregelatxoa izenekoa, beste erregelaren ezaugarri berak dituena; eta, hirugarrenik, plastiko gardeneko pieza dialdun bat, hots, kurtsorea, alboko bi ildoetara egokitu, eta emaitzak irakurtzeko erabiltzen dena. (Alemania, 1924)
- Izena
- ALBERT NESTLER nº 12b kalkulu erregela
- Medidas
- 14,5 x 3 x 1 cm
- Pisua
- 20 gr.
- Piezaren historia
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1924
- Materiala
- Zur laminatua
- Izenpea edo marka
ALBERT NESTLER
- Jatorria
- Aldi baterako lagapena - bilduma partikularra
- Erabilera / Funtzioa
Zur laminatuzko kalkulu teknikoko erregela, Rietz eskala sistema duena. Sei eskala ditu inprimatuta, eta eragiketa aritmetiko konplexuak eta trigonometrikoak egiteko balio dute.
Aurrealdeko eskalak hauek dira:
- Erregelaren goiko aldean: eskala koadratikoa (A).
- Erregelatxoan: eskala koadratikoa (B), oinarrizko eskala (C).
- Erregelaren beheko aldean: oinarrizko eskala (D).
- Erregelatxoaren atzeko aldean: sinuen eskala (S), tangenteen eskala (T).
Goiko aldean, 12,5 cm-ko erregela bat du; beheko aldean, berriz, 14 cm-koa.
Erregelaren atzeko aldean, pisuen eta neurrien taula bat du.
