POST kalkulu erregela
Deskribapena
Kalkulu teknikoko erregela hau plastikozkoa da eta oinarrizko eskalak eta eskala logaritmikoak dauzka inprimatuta. Hiru piezaz osatuta dago: erregela izeneko gorputzaz, zentzu hertsian, erregelaren barruko erdiko beheragunean desplazatzen den erregelatxoaz, eta diala daukan plastiko gardeneko pieza batez, bost irakurketa-trazuz hornitua, alboko bi ildaskari lotzen zaiona eta eskalen gainetik irristatzen dena. Atzeko aldean baliokidetasunen eta formulen taulak daude. (AEB, 1945)
- Izena
- POST kalkulu erregela
- Medidas
- 30 x 4 x 1,2 cm.
- Pisua
- 70 gr.
- Piezaren historia
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1945
- Materiala
- Plastikoa
- Izenpea edo marka
The Frederick Post Co.
- Inskripzioa
Erregelaren aurreko aldean: Nº 1487 MANNHEIM TRIG - THE FREDERICK POST Co - MADE IN U.S.A.
- Jatorria
- Aldi baterako lagapena - bilduma partikularra
- Erabilera / Funtzioa
Kalkulu teknikoko erregela honek Darmstadt sistema darabil. Oinarrizko eskalak eta eskala logaritmikoak dauzka, eta matematikarekin eta bere aplikazioekin lotutako kalkulu guztiak egitea ahalbidetzen dute. Eskalak hiru bandatan daude banatuta, eta erdikoa mugikorra da. Kalkulua egiteko, hirurak elkarren artean konbinatzen dira, kurtsore baten bidez.
Aurrealdeko eskalak hauek dira:
- Goiko aldean: tangenteen eskala (T) eta ∏-ren bidez lekualdatutako oinarrizko eskala (DF).
- Erdiko erregelatxoan: ∏-ren bidez lekualdatutako oinarrizko eskala (CF), CF-ren elkarrekiko eskala (CIF) eta oinarrizko eskala (C).
- Beheko aldean: oinarrizko eskala (D), sinuen eskala (S) eta angelu txikien eskala (ST).
Erregelatxoaren atzeko aldean: karratuen eskala (B), eskala kubikoa (K), eskala logaritmikoa (L) eta oinarrizko eskala (C).
Atzeko aldean baliokidetasunen eta formulen taulak daude.