DRING & FAGE kalibrazio erregela
Deskribapena
Zurezko kalkulu erregela bikoitz, aldebiko eta artikulatu honek barril eta upeletako likidoa kalibratzeko eta neurtzeko balio du, zerga helburuetarako. Hiru erregela finko eta erdiko bi erregelatxo irristakor dauzka, eta pirograbatu bidez inprimatutako zenbakizko eskalak dauzka, letoizko alboko pletinen bidez eutsiak. (Ingalaterra, 1868)
- Izena
- DRING & FAGE kalibrazio erregela
- Medidas
- 25 x 5 x 0,6 cm
- Pisua
- 60 gr.
- Piezaren historia
-
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1868
- Materiala
- Zura - Metala
- Izenpea edo marka
DRING & FAGE
- Inskripzioa
-
DRING & FAGE MARKERS. TOOLEY ST. LONDON / monograma IR (INLAND REVENUE)
- Jatorria
- Aldi baterako lagapena - bilduma partikularra
- Erabilera / Funtzioa
-
Dring&Fage etxeak 1868an Londresen diseinatu eta fabrikatutako kalkulu erregela bikoitza. Britainiar Zerga Berezien Batzarrarentzat sortu zuen, alkoholdun edarien gaineko zergak jasotzearen arduraduna zen erakundearentzat, 1849az geroztik Inland Revenue sailaren barruan. Erakunde horretako ofizialek erabili zuten, bereziki barril eta upeletan gordetako alkoholdun edariak ikuskatzeko.
Erregelari esker, upel zilindrikoak edo kurbatuak kalibra daitezke, baita beren edukia (osoa edo partziala) kalkulatu eta malta-aleak lehorrean neurtu ere. Horretarako, kalkuluak egitea ahalbidetzen duten eskala ezberdinak ditu, eta gorputz finkoko eskalak (diametroa, sakonera, e.a.) erregela irristakorretakoekin konbinatzean lortzen dira emaitzak.