ALBERT NESTLER Nº 23R kalkulu erregela
Deskribapena
Zur laminatuzko kalkulu erregela, aurrealdean Rietz sistemako eskala eta atzealdean pisu eta neurri taulak grabatuta dituena. Kalkulu erregela teknikoen abantailez gainera, hormigoi armatuzko eraikuntzen dimentsionatze arazoak konpontzeko balio du, hormigoi eta altzairu kalitate, segurtasun koefiziente eta altzairu luzapen guztietarako. Hiru pieza ditu: batetik, zentzu hertsian gorputza dena, erregela deritzona; bestetik, erregelatxoa, erregelaren barruan, erdiko beheragunean, alde batetik bestera mugitzen dena; eta, hirugarrenik, kurtsorea, leiho metaliko dialduna, alboko bi ildoetara egokitu, eta eskalen gainean irristatzen dena. (Alemania, 1940)
- Izena
- ALBERT NESTLER Nº 23R kalkulu erregela
- Medidas
- 29,5 x 4 x 1,4 cm.
- Pisua
- 80 gr.
- Piezaren historia
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1940
- Materiala
- Zura - papera
- Izenpea edo marka
Albert Nestler
- Inskripzioa
Erregelaren ildoan: SYSTEM RIEZ Nº 23R ALBERT NESTLER A.S. LAHR 1/B D.R.S.M. DR. PATENT
- Jatorria
- Aldi baterako lagapena - bilduma partikularra
- Erabilera / Funtzioa
- Kalkulu teknikoko erregela, hormigoi armatuko kalkuluak egiteko ere balio duena, Maarschalk sistema, eraikuntzako arkitekto eta ingeniarientzat. Goiko aldean, 27 cm-ko erregela bat du; beheko aldean, berriz, 1:25 eskalako erregela.Aurrealdeko eskalak hauek dira:- Erregelaren goiko aldean: eskala kubikoa (K), eskala koadratikoa (A).- Erregelatxoan: eskala koadratikoa (B), C-ren elkarrekiko eskala (CI), oinarrizko eskala (C). - Erregelaren beheko aldean: oinarrizko eskala (D), eskala logaritmikoa (L). Erregelatxoaren atzealdean, sinuen, kosinuen eta angelu txikien eskalak daude. Atzeko aldean, pisuak, neurriak eta datu praktikoak ditu etiketa batean.