Rotary 7A-2 Telefono zentrala

Deskribapena

Rotary 7A-2 telefono zentral analogiko bat da. Errele hautatzaileak eta bilatzaileak dituen sistema elektromekaniko batez osatua dago, eta bi telefono automatikoki konektatzen ditu. Rotary izena jarri zioten bere osagaiek etengabe eta/edo noizbehinka biratzen direlako. Telefono zentral hauen konexio sarearen funtsa bi motatako makina kommutadore birakari erabiltzean datza (bilatzaileak eta hautatzaileak). Makina horiek ibiltzeko ardatz bertikal batzuetara enbragatzen dira, eta ardatzak gelditu gabe biratzen dira potentzia ertaineko motor bati esker (motor bana bi lerrotarako). Beheko aldean ardatz horizontala ikusten da, motorraren biraketa transmititzen duena. Mugimendu horrek aldi berean ardatz bertikaletara transmititzen du, eta ardatz horiek bultzatuko dituzte makinak erabiltzen direnean.

Kommutazio zentral automatikoak ez ziren ekipo hau bezalakoak. 2m baino gehiagoko garaiera zuten hainbat bastidoretako lerroz osatuak zeuden, eta lerroetan hautatzaileei, bilatzaileei, erregistradoreei eta abarrei dagozkien bastidore multzoak jartzen ziren. Kasu honetan bastidore osoak jatorrizkoak dira, baina atal honek lerro bakar bat hartzen du, eta bertan funtzionalitate desberdineko bastidoreak elkartu dira. 200 lineetarako gaitasuna dauka.

Alfonso Carlos Nagorek muntatu eta abian jarri zuen.