ALCAYDE kalkulu erregela
Deskribapena
Kartoizko kalkulu erregela, zenbait eskala inprimatuta dituena. Kalkulu trigonometrikoak eta takimetrikoak ebazteko balio du, eta akademia militarretan erabiltzen zen. Kartoizko oinarri bat du (erregela), eta, erdialdean, luzetarako perforazio bat, zeinetan erregelatxo bat baitago eskalen gainean irristatzen dena. (Espainia, XX. mendearen lehen erdialdea)
- Izena
- ALCAYDE kalkulu erregela
- Medidas
- 25 x 5 x 0,7 cm
- Pisua
- 50 gr.
- Piezaren historia
-
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- XX. mendea
- Materiala
- Kartoia
- Inskripzioa
-
Atzeko aldean, tintazko zigilu bat, “Govea hijo. Encuadernador. Segovia” dioena, eta etiketa itsasgarri bat, “Regla de cálculo para estudio, sistema Alcayde” testua inprimatuta duena.
- Jatorria
- Aldi baterako lagapena - bilduma partikularra
- Erabilera / Funtzioa
-
Alcayde sistema Ingeniarien Juntako komandante eta Ingeniarien Akademiako irakasle izandako Nicomedes Alcayde Carvajalek asmatu zuen, akademia prestakuntza militarrera eta ikasleen beharretara egokitzeko. Albert Nestler etxea hasi zen erregela fabrikatzen, baina 1914tik aurrera Madrilgo Doitasun Artilleriako Tailerrean egin ziren, eta arauzkotzat jo ziren akademia militarretako ikasleentzat. 1915ean patentatu zuten. Erakusketako modeloa erregelaren bertsio merke bat da, kartoizkoa, Segovian egina, hiri hartan egon baitzen Artilleria Akademiaren egoitza 1764tik aurrera.
Alcayde erregelaren ezaugarri nagusia da kalkulu takimetrikoak (sin.kos eta kos2) egiteko eskalak dituela, Rietz sistemako eskala klasikoez gainera.
Eskala hauek ditu:
- Erregelaren goiko aldean: kuboen eskala (N3), karratuen eskala (N2).
- Erdiko erregelatxoan: 6g 40tik 50g-rainoko angeluetarako sin x kos biderkaduraren eskala (H), 64’-tik 6g 40-rainoko angeluetarako sin x kos biderkaduraren eskala (H’) eta 6g 40tik 50g-rainoko angeluetarako sin x kos biderkaduraren eskala (H).
- Erregelaren beheko aldean: zenbakien eskala (N), logaritmoen eskala (L).
- Bibliografia
-
www.photocalcul.com/Calcul/Regles/Notices.../reglas%20taquimetricas%20es_v1.pdf