STAEDTLER Nº 54501 kalkulu erregela
Deskribapena
Kalkulu teknikoko erregela hau plastikozkoa da eta eskalak dauzka inprimatuta. Hiru piezaz osatuta dago: erregela izeneko gorputzaz, zentzu hertsian, erregelaren barruko erdiko beheragunean desplazatzen den erregelatxoaz, eta diala daukan plastiko gardeneko pieza batez, bost irakurketa-trazuz hornitua, alboko bi ildaskari lotzen zaiona eta eskalen gainetik irristatzen dena. (Alemania, 1962)
- Izena
- STAEDTLER Nº 54501 kalkulu erregela
- Medidas
- 15,5 x 4 x 0,5 cm.
- Pisua
- 20 gr.
- Piezaren historia
Pieza hau Antonio Pérez Prados irakaslearen bilduma partikularrekoa da, eta aldi baterako utzi dio Nafarroako Unibertsitate Publikoari.
- Kokapenak
- Sario eraikineko sarrera
- Sailkapenak
- Kalkularako gailuak
- Datazioa
- 1962
- Materiala
- Plastikoa
- Izenpea edo marka
STAEDTLER
- Inskripzioa
Aurreko aldean: STAEDTLER
Erregelaren artekan: STAEDTLER MARS GERMANY / Nº 54501 DARMSTADT
- Jatorria
- Aldi baterako lagapena - bilduma partikularra
- Erabilera / Funtzioa
Darmstadt sistemako kalkulu teknikoko erregelaren eskala logaritmikoek matematikarekin eta bere aplikazioekin lotutako kalkulu guztiak egiteko aukera ematen dute. Ez dauka eskala berezirik merkataritza-kalkuluak egiteko, itsas xedeetarako, zementu armatuko eraikuntzetarako... Eskalak hiru bandatan daude banatuta, eta erdikoa mugikorra da. Kalkulua egiteko, hirurak elkarren artean konbinatzen dira, kurtsore baten bidez.
Aurrealdeko eskalak hauek dira:
- Goiko aldean: eskala pitagorikoa (P), eskala kubikoa (K) eta karratuen eskala (A).
- Erdiko erregelatxoan: karratuen eskala (B), C-ren elkarrekiko eskala (CI) eta oinarrizko eskala (C).
- Beheko aldean: oinarrizko eskala (D), sinuen eskala (S) eta tangenteen eskala (T).
Erregelatxoaren atzeko aldean: eskala esponentzialak (LL1, LL2 eta LL3).
Goiko aldean 13 cm-ko erregela dauka.
